Meksikadağı bäreleşlärdä 29 keşe ülgän

Meksikada “El Çapo” quşamatlı narko baron Ovidio Guzman Lopeznıñ qulğa alınuınnan soñ çıqqan bäreleşlärdä 29 keşeneñ ğomere özelde. Alardan 10ısı – xärbi.

Milli Saraydağı könlek matbuğat oçraşuında çığış yasağan däwlät başlığı Andres Manuêl’ Lopez Obrador grajdannarnıñ tormışların qurqınıç astında bulmawı öçen operaŝiyaneñ sizgerlek belän alıp barıluın belderep: “Qurqınıçsızlıqnı täêmin itü öçen wazifa başında bulğan 10 xärbi yaqtı dön’yadan kitte, 35 xärbi yaralandı,” – dide.

Saqlanu ministrlığınnan yasalğan açıqlawda da operaŝiyalärdä 3586 qorallı köçlär ağzaseneñ qatnaşuı, bäreleşlärdä 19 banda äğzaseneñ üterelüe, 21 keşeneñ isä qulğa alınuı belderelde.

Sinaloa gubernatorı Ruben Roça şähärlärdä kontrol’neñ urnaştırıluın assızıqlap, tormışnıñ cayğa salınuın äytte.

Bäreleşlär näticäsendä şaqtıy xärbi transport çarası cimerelde, distälärçä maşinağa ut törtelde häm 100dän artıq reys ğamädän çığarıldı.

Amerika Quşma Ştatlarınıñ iñ küp êzlängän narkotik kontrabandistlarınnan bulğan Sinaloa bandasınıñ aldınğı liderları 28 yäş’lek Ovidio Guzman kiçä Meksikanıñ tön’yağındağı Kuliakan şähärendä oyıştırılğan operaŝiyada qulğa alınğan ide.

Ovidio Guzman Lopez 2015tä ätise utırtılğan Almoloya törmäsenä cibärelde.