İzrail Ğazzä çigendä diwar töziyäçäk

İzrail saqlanu ministrlığı Ğazzä çigendäge yähüd bistäläre tiräsenä 4,6 çaqrım ozınlıqta diwar töziyäçägen açıqladı.

Ministrlıktan yasalğan yazma açıqlawğa kürä bistälärne Ğazzädän ırğıtılğan antitank raketalarnıñ täêsirennän saqlayaçaq proyekt êşçänlekläre başlatılğan.

Açıqlawdan kürengänçä proyekt ğadättän tış xällärdä İzrail xalqın Ğazzädän kiläçäk raketalardan saqlayaçaq 4,6 çaqrım ozınlıqtağı zur diwardan tora.

Soñğı yıllarda Ğazzä çigendäge yähüd bistäläre antitank raketa höcümnärenä duçar qala.

2018 yılnıñ noyabr’ ayında Ğazzägä kergän İzrail armiyasenä bäyle ber xärbi avtobuska Hamasnıñ xärbi qanatı İzzeddin el-Kassam xärbi brigadaları antitank raketası belän höcüm itte, 1 xärbi yaralanğan ide.

2019 yılnıñ mayında da maşinasına antitank raketası tigän ber İzrail keşesez ülgän ide.