BMO İminlek şurasınıñ yaña waqıtlı äğ’zaläre
Berläşkän Millätlär Oyışması İminlek şurasınıñ yaña waqıtlı äğ’zaläre Êkvador, Yaponiya, Mal’ta, Mozambik häm Şveyśariya wazıyfasına başladı
Şuşı illär 2023nçe-2024nçe yıllar aralığında 15 äğ’zale şuranıñ waqıtlı äğ’zaläre bularaq wazıyfa başqaraçaq.
Êkvador, Yaponiya, Mal’ta, Mozambik häm Şveyśariya wazıyfa möddäte 31nçe dekabr’dä betkän Hindstan, İrlandiya, Keniya, Meksika häm Norvegiyanıñ urınına BMO İminlek şurasında wäkillek itäçäk.
Mozambik häm Şveyśariya berençe tapqır waqıtlı äğ’za bulsa, Mal’ta 2, Êkvador 4 häm Yaponiya 12 märtäbä monnan alda da bu wazıyfanı üz östenä alğan ide.
Albaniya, Braziliya, Gabon, Gana häm Berläşkän Ğaräp Ämirlekläre dä xäzerge waqıtta şuranıñ waqıtlı äğ’zaläre.
Tuplam 15 äğ’za il bulğan BMO İminlek şurasınıñ 5 daimi äğ’zase veto xoquqları da bulğan Amerika Quşma Ştatları, Qıtay, Rusiyä, Angliya häm Franśiyadan tora.
Qalğan 10 äğ’za il isä BMOnıñ 5 geografik törkeme arasınnan Berläşkän Millätlär Oyışması Ğomum şurasında saylana.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
