Yaña yıl qotlawlarında qorallı höcümnär
AQŞtağı höcümnärdä 3 keşeneñ ğomere özelde
Amerika Quşma Ştatlarınıñ Florida häm Alabama ştatlarında yaña yılğa kergändä dä tuqtamağan qorallı höcümnärdä 3 keşeneñ ğomere özelde, 13 keşe yaralandı.
Floridada Okala Poliŝiya departamentı Tvitterda açıqlaw yasap, yäkşämbe könne irtänge sägät’lärdä barlıqqa kilgän qorallı höcümdä 2 keşeneñ ülüen, 4 keşeneñ yaralanuın belderde.
Açıqlawdan kürengänçä yäkşämbe könne cirle sägät’ belän 04.30 tiräsendä yaqınça 100 keşe cıyılğan töbäktän qoral tawışları işetelgän, Davonta Harris häm Abdul Hakeem Van Kroskey isemle ike keşe waqıyğa urınında can birgän.
Floridadağı waqıyğadan berniçä sägät’ alda Alabama ştatındağı qorallı höcümdä dä 1 keşe ülde, 9 keşe yaralandı.
Cirle poliŝiya Yaña yıl qotlanğan Dauphin prospektı yanında barlıqqa kilgän qorallı höcümdä 24 yäş’lek ber yegetneñ yaqtı dön’yadan kitüen citkerde.
Poliŝiya bilgesez höcümçe tarafınnan oyıştırılğan qorallı höcümneñ säbäbeneñ älegä bilgesez buluın, waqıyğa belän bäyle ber ğayeplänüçeneñ qulğa alınuın belderde.
Qorallı höcümdä pulya tigän ber keşe xastaxanägä salınğan.
