AQŞta qızamıq tarala

AQŞnıñ Ogayo ştatında sonğı 2 ayda 82 balağa qızamıq diagnozı quyıldı.  Wäqalätlelär äytüençä, noyabr’dä Franklin rayonında ber balalar baqçasına yörüçe 4 sabıyda qızamıq kürenä. Alarnıñ berseneñ dä çit illärgä säyäxät itmäwe assızıqlana. Älege balalarğa qızamıq vakśinası yasalmağan bulğan.  

Ogayoda 2 ay êçendä qızamıq yoqtıruçı balalar sanı kimendä 82gä citä. Alardan 32se xastaxanädä däwalana. Wäqalätlelär balalarnıñ kübeseneñ 5 yäş’tän keçkenä buluın belderä.

Ğadättä, balalarğa qızamıq vakśinası 2 doza yasala. Bu balalarğa yä berse genä yasalğan, yä bötenläw qadatmağannar.

Wäqalätlelär AQŞta tulayım terkälgän qızamıq oçraqlarınıñ sanınıñ 117 buluın citkerde.

Qızamıq - başlıça balalarda oçrıy torğan, tik här yäş’tä dä bulırğa mömkin yoğışlı awırtu. Ul sulış yulları aşa êlägä häm yuğarı temperatura, yötkerü, timgellänü, borınnan ağu, xälsezlek şikelle simptomnarğa iyä.