Qıtayda Kovid-19 oçraqlarınıñ bik tiz artuı illärne çaralar kürergä êtärde

Qıtayda Kovid-19 oçraqları sanı bik tiz arta başladı, Bötendön’ya sälamätlek saqlaw oyışması bu mäs’äläne Qıtay räsmiläre qatnaşındağı cıyılışta tikşerde.

Bötendön’ya sälamätlek saqlaw oyışması wäqalätleläre Qıtaydan soñğı waqıyğalar xaqında kübräk mäğ’lümat soradılar häm koronavirus belän awıru oçraqları xaqında waqıtında häm regulyar räweştä mäğ’lümat birüne taläp ittelär.

Pekinnıñ xalıqara säyäxät çikläwlären beteräçäge turındağı qararı illärne moña qağılışlı çaralar kürergä êtärde.

İl xökümätläre ber-ber artlı üz çiklärendä çaralar kürä başladılar.

İtaliya Qıtaydan kilgän barlıq yulçılarnı mäcbüri test aşa uzdıra.

İspaniya Qıtaydan kilüçelärdän tiskäre test kürsätüne yäki privivkalarnıñ tämamlanğan buluın taläp itä.

Franśiya Qıtaydan kilgän yulçılarğa bitlek kiyep yörüne mäcbüri itte.

Şulay uq soñğı 2 kön êçendä alınğan tiskäre test näticäsen kürsätü dä qorala.

Angliya da Qıtaydan kilüçelärdän soñğı 2 kön êçendä yasalğan tiskäre koronovirus testı näicäläre soralaçağın citkerde.