"Bıyıl bik awır yıl buldı"

Fälästin prem’yer - ministrı Möxämmät Ştaye ministrlar şurasınıñ atnalıq cıyılışında yasağan çığışında İzrailneñ xoquq bozuları häm höcümnäre belän yıl däwamında bulğan waqıyğalarnı bäyäläde.

 “Bıyıl bik awır yıl buldı, 220 dän artıq şähitebez bar.9 meñnän artıq keşe cäraxätlände häm 6 meñ 500 keşe saq astına alındı. Şul uq waqıtta İzrail fälästinlelärneñ 832 binasın cimerde, 13 meñ zäytün ağaçın kiste”,- dide Ştaye.

Fälästin xalqınıñ bu höcümnärgä batırlarça qarşı toruın belderüçe Ştaye xalıq cirlärenä qarata xoquq bozular belän köräşäçäklären häm milli azatlıq proyektın yaqlayaçaqların äytte.

Fälästin baş ministrı 2022 nçe yılda Fälästingä xalıqara yärdämneñ sizelerlek kimüen, Kovid - 19 êpidemiyäse häm Ukraina suğışınıñ çağılışları arqasında milli iq’tisad häm finans byudjetları zıyan kürgän krizislar belän köräşülären assızıqladı.

Fälästin prem’yer-ministrı Möxämmät Ştaye qamaw häm bülenü arqasında Ğazzä sızığında êşsezlekneñ 46,6% tiräse buluın, bu awır prośesslarnı ciñär öçen ğaräp illäreneñ häm xalıqara yärdämnärneñ däwam itüenä ömetlänülären citkerde.