Paqıstan belän Üzbäkstan ike yaqlı säwdä külämen arttıru öçen kileşkännär

Paqıstan belän Üzbäkstan investiśiyälärne kiñäytü häm ike yaqlı säwdä külämen ber milliard dollarğa citkerü turındağı kileşügä qul quyğannar.

Milli massaküläm mäğ’lümat çaraları citkergänçä, räsmi säfär belän Paqıstanğa barğan Üzbäkstan investiśiyälär häm tışqı säwdä ministrı Cämşid Hocayev başqala İslamabadta Paqıstan säwdä ministrı Säyid Navid Kamar belän oçraştı.

Oçraşudan soñ ike ministr investiśiyälärne kiñäytü häm ike yaqlı säwdä külämen 1 milliard dollarğa qadär arttıru turında kileşügä qul quyğannar.

Paqıstan säwdä ministrı Kamar beldergänçä, alar ike il arasında Östenlekle säwdä kileşüenä imza salğannar häm kileşü 2023 nçe yılnıñ 1 nçe fevralennän köçenä keräçäk.

Kamar ike ilneñ Äfganstan aşa tranzit säwdä öçen urtaq strategiya buldırırğa kileşülären häm bu qısada Paqıstan, Äfganstan häm Üzbäkstannan torğan öç yaqlı urtaq forum buldırırğa täq’dim itülärenä basım yasağan.

Uzğan yıl Paqıstan belän Üzbäkstan arasında säwdä küläme 181 million 500 meñ dollar bulğan.