Matç waqıtında tribuna cimerelgän

Misırnıñ 6nçı oktäbr’ şähärendäge sport zalında basketbol matçı waqıtında tribuna işelgän.

Canatarlar utırğan tribunanıñ timer bar’yerlardan berseneñ cimerelüe näticäsendä 27 keşe yaralanğan.

Misır cirle mediasındağı xäbärgä kürä Êl-İttihat belän Êl-Ejli taqımnarı arasında uynalğan Basketbol Super kubok matçında tribunadağı timer bar’yerlardan berse işelgän. Waqıyğa arqasında matç tuqtatılğan.

Misırnıñ Sport ministrı Eşref Subhi yazma açıqlaw yasap, berençe mäğlümatlarğa kürä waqıyğanıñ taraflar arasındağı êteş-törteş arqasında çığuın häm mäs’äläne añlaw öçen komitet barlıqqa kiterülären belderde.

Sälamätlek saqlaw ministrlığı isä waqıyğada yaralanğan 27 keşeneñ xastaxanägä salınuın häm xälläreneñ yaxşı buluın citkerde.