Japoniyadan Kön’yaq Koreyağa xärbi künegülär reakśiyäse
Yapon xökümäte Kön’yaq Koreyanıñ Yapon diñgezendäge bäxäsle Dokdo/Takeşima utrawlarında oyıştırğan xärbi künegülärne protest itte
Yaponiya Tışqı êşlär ministrlığınıñ Aziyä häm Okeaniya êşläre ğomum mödire Funakoşi Takehiro Kön’yaq Koreyanıñ Tokio ilçelege räsmi zatı belän küreşte.
Söyläşü waqıtında Funakoşi Yapon diñgezendäge bäxäsle Dokdo/Takeşima utrawlarında Kön’yaq Koreya ütkärgän xärbi künegülärne yapon xökümäteneñ protest itüen belderde.
Yapon diplomatı utrawlarnıñ tarixi çınbarlıqlar häm xalıqara xoquq nigezendä Yaponiyağa qarawı fikeren yaqladı.
Kön’yaq Koreya 22nçe dekabr’dä utrawlarda ber yılda ike tapqır oyıştırılğan daimi xärbi künegülärneñ bersen uzdırğan ide.
Kön’yaq Koreyanıñ "Dokdo", yaponnarnıñ isä "Takeşima" dip atağan töbäk ozaq waqıttan birle ike il arasında suverenlıq bäxäslärenä säbäp bula.
Kön’yaq Koreya kontrole astında totqan tuplam mäydanı 0,2 kvadrat çaqrımlıq cir kisägendä 1954nçe yıldan birle iminlek personalın urnaştıra.
