Ukraina: "100 meñnän artıq Rusiyä ğaskäriye ülde"

Ukraina ğomumştab idaräse Rusiyä armiyäseneñ 24nçe fevral’dän başlap 100 meñ 400 ğaskäriyen yuğaltuın alğa sörä. Sonğı 24 säğat’tä genä dä 660ın täêsirsez xälgä kiterülären belderdelär.

Belderüdä Rusiyä armiyäseneñ 283 oçqıçı, 267 boralağı, 3 meñ tankı, 5 meñ 981 bronetexnikası, 1978 minomyetı, 413 raketa atuçısı häm 212 hawa saqlanu sistemasınıñ yuq itelüe äytelä. İsemlektä, şulay uq, 4 meñ 615 texnika, 16 korab häm ciñelçä tizyöreşle sudno, 1693 keşesez hawa apparatı da bar. Rusiyä armiyäse oçırğan 653 qanatlı raketanı Ukraina saqlanu köçläre bärep töşergän.    

Rusiyä saqlanu ministrı Sergey Şoygu 21nçe sentyabr’dä Ukrainadağı suğışta 5 meñ 937 rus ğaskäriyeneñ ğomere özelüen beldergän ide.