Xastaxanälärgä 700dän artıq höcüm yasalğan

Bötendön’ya sälamätlek saqlaw oyışması Rusiyä-Ukraina arasında 10 ay baruçı suğışta Ukrainadağı sälamätlek saqlaw üzäklärenä 700dän artıq höcümneñ oyıştırıluın belderde.

Bötendön’ya sälamätlek saqlaw oyışmasınıñ Ukrainadağı wäkile Doktor Jarno Habicht Berläşkän Millätlär Oyışmasınıñ Jenevadağı ofisında atnalıq matbuğat oçraşuında jurnalistlarğa açıqlaw yasadı.

Qış aylarında Ukrainada xastalıq riskınıñ da artuın äytkän Habicht bu wazğıyät’neñ millionnarça psixik sälamätlekne qurqınıç astına quyuın kisätte.

“24 fevral’dän bügengä qadär Bötendön’ya sälamätlek saqlaw oyışması sälamätlek saqlaw üzäklärenä, mediŝina materialları, transport häm başqa çaralarğa täêsir itüçe, sälamätlek saqlaw xezmätkärlären häm awırularnı yaralawçı yäisä üterüçe 700dän artıq höcümne rasladı. Bu wazğıyät’ – xalıqara xoquqnı ap-açıq itep bozu bulıp tora. Sälamätlek berqayçan da maqsat itep alınırğa tiyeş tügel,” – dide ul.

Rusiyäneñ Ukrainada tınıç xalıq yäşägän urınnarnı bombağa totuın häm ênergiya cirlären maqsat itep aluın iskä töşergän wäkil ênergetika ölkäsendäge özekleklär xastaxanä häm sälamätlek saqlaw üzäklärendäge xezmätkä yoğıntı yasawın citkerde.

“Su citmäw arqasında xastaxanälär keşelärgä töp sälamätlek xezmätlären kürsätä almıy,” – digän Habicht däwam itüçe suğış näticäsendä salqın tiyü häm qalğan xastalıq törläreneñ dä artaçağına işarät itte.

Wäkil Ukraina belän Rusiyä arasındağı suğışnıñ keşelärneñ psixik sälamätlegenä dä täêsir itüen äytte.

Berläşkän Millätlär Oyışmasına kürä 10 millionğa yaqın ukrainalınıñ borçılu, stress häm tağın da awır säbäplär arqasında psixik sälamätlege qaqşadı.

Suğış başlanğannan birle Bötendön’ya sälamätlek saqlaw oyışması Ukrainanı 2 meñ tonnadan artıq mediŝina materialı belän täêmin itte.