"Livandağı Süriyä qaçaqları isän qalu öçen gumanitar yärdämgä moxtac"

Berläşkän Millätlär Oyışması beldergänçä, Livandağı Süriyä qaçaqlarınıñ 90%ı isän qalu öçen gumanitar yärdämgä moxtac.

BMO qaçaqlar yuğarı komissariatı, BMO Bötendön’ya azıq-tölek programması häm BMOnıñ Balalarğa yärdäm itü fondı YUNİSEFnıñ urtaq belderüe Livandağı moxtac ğailälärgä yärdäm kürsätü häm yaqlawnı däwam itärgä öndi.

”Süriyälelärneñ yäşäw şartlarında kisken häm özleksez naçarlanu bar. Küp keşe töp ixtıyacların da qanäğät’länderä almıy” diyelä belderüdä.

BMO belderüendä äytelgänçä, süriyäle qaçaqlarnıñ 90% isän qalu öçen gumanitar yärdämgä moxtac.

Ğailälärneñ yaqınça 87%ı azıq-tölekne berençe çirattağı töp problema itep sanıy, annan soñ toraq häm sälamätlek saqlaw xezmätläre kilä.

2022 nçe yılda 6 yäş’tän 14 yäş’kä qadär bulğan süriyäle qaçaq balalarınıñ 60%ı ğına mäktäpkä regulyar räweştä yöri, annan zurraq yäş’täge balalarda mäktäpkä baru däräcäse 8%tan tübän diyelä belderüdä.

Räsmi çığanaqlarğa qarağanda, Livanda yäşäwçe Süriyä qaçaqlarınıñ sanı yaqınça 1 million 500 meñ.