Nigeriyädä xolera 20 keşene yaqtı dön'yadan alıp kitkän

Nigeriyäneñ Kross - River ştatında xoleradan 20 keşeneñ ğomere özelgän.

Tabib İvara İvara beldergänçä, xolera ştatnıñ 10 awılında taralğan.

Älege awıllarda 100 keşegä xolera dignozı quyılğan, ul 20 keşene yaqtı dön’yadan alıp kitkän.

Xökümät xolera êpidemiyäse küzätelgän töbäklärgä darular häm mediśina kiräk-yaraqları cibärgän.

Tabib İvara töbäktä yäşäwçelärne saq bulırğa öndi.  

"Vibrio" dip atalğan bakteriya arqasında kilep çıqqan xolera azıq-tölek häm su aşa yoğa.

Köçle êç kitügä häm organizmda su yuğaltuğa kiterä torğan xolera, däwalanmasa, ülemgä kiterergä  mömkin.

Nigeriyädä  çista su citmäw, tiz häm näticäle mediśina yärdäme kürsätä almaw awıru häm ülem qurqınıçın arttıra.

İldä bizgäk, poliomielit, tif  häm maymıl çäçäge kebek yoğışlı awırular yış oçrıy.