Peruda çaralar tuqtamıy

Peruda däwlät başlığı Pedro Kastillo 7 dekabr’ könne Kongress tarafınnan wazifasınnan alınıp, törmägä cibärelgännän soñ başlanğan çaralarda ülüçelär sanı 20gä citte.

Sälamätlek saqlaw ministrlığınnan yasalğan açıqlawğa kürä ilneñ törle şähärlärendä däwam itüçe protest çaralarında 20 keşeneñ yaqtı dön’yadan kitüe, 63 keşeneñ xastaxanägä salınuı belderelde.

İl matbuğatındağı xäbärlärdä yaralanuçılar sanınıñ 500dän artıp kitüe häm 150dän artıq protestçınıñ qulğa alınuı äytelä.

Yaña däwlät başlığı Dina Boluartnıñ saylawlarnı kiläse yılnıñ dekabrendä ütkärü täqdime Kongressta uzğan tawışqa quyuda kire qağıldı.

6 kön êlek ant itkän mädäniyät häm mäğarif ministrları protest çaralarındağı ülemnär arqasında wazifalarınnan kitüen citkerde.

Şul uq waqıtta Kuskodağı Alexandro Velasko xalıqara aêroportı ilneñ küp poçmaqlarında baruçı rizasızlıq belderü çaraları arqasında reyslarğa waqıtlıça yabıldı.

Protestçılarnıñ maqsatı bulğan aêroportnıñ 12 dekabr’dän birle yabıq buluı arqasında 5000 turist törle qunaqxanälärdä kötä.

Perunıñ iñ möhim borınğı turizm şähäre Maxu Piçuğa kilgän meñnärçä turistnıñ yullarda quyılğan barrikadalar häm komendant sägäte arqasında aêroportka bara almawları äytelä.

Perunıñ êlekke prezidentı Kastillo xökümätne bärep töşerüdä ğayeplägän Kongress tarafınnan “daimi äxlaqsızlıq” ğayebe belän wazifasınnan alındı.

Pedro Kastillo Kongressnı tarqatu häm milli ğadättän tış xökümät qoru qararınnan soñ qulğa alınğan ide.

Däwlät başlığı yärdämçese Boluart Kastillonıñ wazifasınnan alınuınnan soñ 8 dekabr’da ilneñ yaña prezidentı bularaq ant itkän ide.

Xökümät qırıslıq waqıyğaları häm protestlar arqasında 14 dekabr’ könne ildä 30 könlek ğadättän tış xäl iğlan itte.