Dön'yadağı iñ zur śilindr akvarium şartladı
Êçendä 1500 balıq bulğan akvarium köçle tawış çığarıp kisäk kenä şartlıy häm 1 million litr su uramnarğa qadär ağa
Germaniyäneñ başqalası Berlinda êçendä 1500 balıq bulğan 16 metr biyeklektäge häm 11,5 metr diametrındağı gigant akvarium şartladı.
Poliśiyädän belderülärençä, waqıyğa irtän śilindr formasındağı “Sea Life” dip ataluçı akvariumda bula. Anıñ säbäpläre älegä bilgele tügel. Akvariumnıñ köçle tawış çığarıp şartlawın belderälär.
Akvarium urnaştırılğan qunaqxanä binasınıñ fasadı zıyan kürgän häm anıñ kisäkläre uramğa çığıp oçqan. Akvarium suı da tışqa qadär ağa. Anıñ pıyala kisäkläre belän 2 keşe yaralana.
Akvariumğa qarata nindi dä bulsa höcüm başqarıluına bäyle bilgelär tabılmawın assızıqlıylar.
Bina zıyan kürü arqasında qunaqxanädägelärne uramğa çığarğannar.
Yanğın sünderü idaräsennän yasalğan belderüdä êçendä 1 million litr su bulğan akvariumnıñ bik tiz waqıt êçendä şartlawı äytelä. “Akvarium bozılğan bulsa kisäk kenä şartlar. Bu su sarqıy torğan keçkenä yarıq tügel. Çönki akvarium kisäk şartladı,”-diyelä anda.
