Zelenskiy xalıqqa möräcäğat' itte

Ukraina däwlät başlığı Volodimir Zelenskiy Rusiyä armiyäseneñ höcümnäre säbäple Donbass töbägendäge şähärlärdä awır cimereklär barlıqqa kilüen citkerde. Ul Telegram kanalı aşa xalıqqa möräcäğat’ itte.

Zelenskiy front sızığında köçle bäreleşlär baruın belderep, Rusiyä köçläreneñ toraq punktlarnı utqa totuın däwam itüen äytte. “Rusiyä Mariupol’, Volnovaxa, Baxmut şikelle Donbassta da şähärlärne yuqqa çığara,”-dide ul.  

Zelenskiy rus köçläreneñ bugün dä höcümnär yasawın, anda 8 yäş’lek balanıñ ğomere özelüen citkerde.

Kiçä Rusiyä belän Ukraina arasında qabat äsir almaşu bula. Zelenskiy anda 64 ukrainalı ğaskärineñ irekkä çığarıluın äytte. “Äle haman Rusiyädä totqınlıqta bulğan här ukrainalı ir-at häm xatın-qıznıñ irekkä çığarıluı häm öylärenä qaytuları öçen êşçänlek alıp barabız,”-dide Volodimir Zelenskiy.