Ukrainalılarnı Rusiya çiklären uzarğa tırışqanda qulğa alğannar
Bu xaqta Rusiyäneñ terrorçılıqqa qarşı köräş komitetı belderä
1918506
Rusiyäneñ terrorçılıqqa qarşı köräş komitetı xäbär itkänçä, 400 dän artıq “millätçe” häm “xärbi cinayät’ êşlägän ukrainalı Rusiya çiklären uzarğa tırışqanda qulğa alınğan.
Komitet belderüendä äytelgänçä, terrorçılıqqa qarşı köräş komitetı Rusiya Federal’ qurqınıçsızlıq xezmäte direktorı Aleksandr Bortnikov citäkçelegendä cıyılğan.
Cıyılışta bıyıl başqarılğan êşlär bäyälängän.
“400 dän artıq ukrainalı millätçe häm xärbi cinayät’ qılğan keşe däwlät çigen uzarğa tırışqanda tikşerü punktlarında totıldı. Terror ğamällärendä qatnaşqan 1026 keşegä Rusiya Federaśiyäsenä kerergä röxsät itelmäde” diyelä belderüdä.
Cıyılışta terror qurqınıçına qarşı östämä çaralar kürü turında qarar da qabul itelgän.
