Süriyädä 2 DEAŞ atamanı üterelde
Bu xaqta AQŞnıñ Üzäk quätlär komandalığı xäbär itä
1917647
AQŞnıñ Üzäk quätlär komandalığı Süriyäneñ könçığışında ütkärelgän basqında 2 DEAŞ atamanınıñ üterelüen xäbär itte. Belderüdä mondıy yullar bar: “AQŞ Üzäk quätlär komandalığı köçläre 11nçe dekabr’dä cirle waqıt belän säğat’ 02.57dä Süriyäneñ könçığışında uñışlı boralaq basqını oyıştırıp DEAŞnıñ könçığış Süriyädäge terrakt häm operaśiyälärendä qatnaşqan Süriyä vilayäte cawaplısı Anasnı da kertep, 2 DEAŞ atamanın üterde”.
Belderüdä operaśiyäne ber’yaqlı bularaq AQŞ ğaskäriläre başqaruı äytelä. Berençel mäğ’lümatlarğa qarağanda, anda grajdanlılarnı yuğaltu bulmağan.
Belderüdä operaśiyäneñ tögäl genä qaysı töbäk häm rayonda ütkärelüe citkerelmi. Maqsatnıñ qaysı DEAŞ atamanı ikänen dä äytmilär.
