Antibiotiklar köçsezlänä bara

Bötendön’ya sälamätlek saqlaw oyışması keşe organizmında bakteriyälärneñ antibiotiklarğa qarşı toruçanlığı artuınıñ ülem qurqınıçın kübäytüen belderde.  

Oyışma çığarğan maxsus xisapta mikroblarğa qarşı preparatlarğa bireşmäwçänlek analizlarınıñ mäğ’lümatları citkerelde.

Anda 2020nçe yılda 87 ildä bulğan yoğışlı awıru oçraqları qarala. Näticädä qan ağımı infekśiyäse kiterep çığaruçı klebsiella üpkä şeşe häm aśinetobakternıñ antibiotiklarğa qarşı 50% bireşmäwçänlek kürsätüe açıqlana.

 Qan ağımı infekśiyäläreneñ 8%ına klebsiella qarşı toruçanlığı säbäpçe bula häm ul däwalawda qullanıluçı karbapenem bakteriyäsenä bireşmiçä ülem riskın arttıra.  

Êçäk tayaqçığı häm salmonellyez bakteriyäläre qarşılığı kiterep çığarğan qan ağımı infekśiyäläre belän gonoreyanıñ, 2017nçe yıl belän çağıştırğanda,15%qa artuı küzätelä.

Xisapta Bötendön’ya sälamätlek saqlaw oyışmasınıñ ğomum mödire Tedros Adxanom Gebreyesusnıñ fikerlärenä dä urın birelä. “Mikroblarğa qarşı preparatlarğa bireşmäwçänlekneñ artuı zamança mediśinanıñ täêsiren kimetä häm millionlağan keşeneñ ğomeren qurqınıç astına quya,”-di ul.

Gebreyesus bu global’ yanawnıñ külämen añlaw öçen dön’yada mikrobiologiyä testların arttıru häm mäğ’lümatnı barlıq illär belän urtaqlaşu kiräklegen assızıqlıy.