"Time" jurnalı Zelenskiynı "Yıl keşese" itep sayladı

AQŞta çığuçı “Time” jurnalınıñ 1927nçe yıldan birle oyıştırluçı “Yıl keşese” bülägeneñ bıyılğı iyäse Ukraina däwlät başlığı Volodimir Zelenskiy. Redakśiyä anıñ ukrainalılarğa ilham birep, Rusiyäneñ cimergeç basıp aluına qarşı kürsätkän qıyulığı häm liderlığı öçen saylanuın belderde.

Jurnaldan yasalğan belderüdä mondıy yullar bar: “Bıyılğı saylaw istä qalğan iñ tögäl saylaw ide. Ukraina suğışı keşelärne ömet belän tutıramı, qurqu belänme - möhim tügel, Zelenskiy distälägän yıllar kürelmägän räweştä dön’yanı xäräkät itterde. 24nçe fevral’dä Rusiyä bombaları töşä başlağannan soñğı atnalarda başqala Kiyevtan qaçmaw häm yärdäm cıyu qararı bik ähämiyätle ide. 25nçe fevral’dä kabinetınıñ üz urınında buluın kürsätüçe berençe 40 sekundlıq videodan başlap parlamentlar, Oskar tantanaları, Grêmmi büläkläwläre şikelle zallarda yıraqtan yasağan çığışları belän här cirdä kürende. Dön’yanı çolğap alğan xäräkät dulqını başladı”.   

Angliyäneñ “Financial Times” gazetı da Zelenskiynı kürsätkän ğadättän tış liderlıq häm qıyulığı öçen “Yıl keşese” iğ’lan itte.