"Rusiyä Ukrainadağı suğışnı "tuñdırırğa" mataşa"

NATO ğomum särqatibe Yens Stoltenberg Rusiyäneñ Ukrainadağı bäreleşne “tuñdırırğa” mataşuın, anı tınıç räweştä tögälläw belän bäyle bernindi bilge bulmawın äytte. Ul “Financial Times” gazetı oyıştırğan çarada videoêlemtä aşa çığış yasadı.

NATOdan yasalğan yazmaça belderügä qarağanda, matbuğat çarasınıñ baş möxärrire Rula Xalafnıñ sorawlarına cawap birüçe Stoltenberg ittifaqtağılarnıñ Ukrainağa yärdämne däwam itüeneñ ähämiyäten assızıqladı. Ul bäreleşneñ qışın tağın da tınıç êtapqa keräçägen farazladı, tik Rusiyäneñ suğışnı tınıç yul belän tögällärgä cıyınmawın äytte.

Stoltenberg Ukrainanıñ suğış qırında alğa kiteş kürsätüen söyläde. “Rusiyä köçen cıyu häm soñınnan zur höcüm başlaw öçen bäreleşne “tuñdırırğa” mataşa,”-di ul.

NATO başlığı Rusiyä belän söyläşülärneñ waqıtın häm êçtälegen Ukraina bilgeläyäçägen tağın ber qat iskärtte. “Tınıç çişeleşne niqadär nıq teläsäk, Ukrainağa xärbi yärdäm täêmin itüebez şulqadär aşığıç,”-dide Stoltenberg.