Livan parlamentı yaña ilbaşın yänä saylıy almağan

Livan parlamentında yaña ilbaşın saylaw öçen ütkärelgän 9 nçı utırışta ber genä namzät tä citärlek tawış cıya almağan.

Parlamentta wazıyfa başqaru waqıtı 31 nçe oktyabr’dä tämamlanaçaq ilbaşı Mişel’ Aun urınına kiläçäk yaña däwlät başlığın sawlaw öçen 128 xalıq ışanıçlısınnan 105 e qatnaşqan.

Namzätlärdän Mişel’ Muavvad 39 tawış alğan, 39 tawış yaraqsız dip sanalğan, qalğan 27 tawış başqa namzätlärgä birelgän.

Şulay itep ber genä kandidat ta ilbaşı bulıp saylanu öçen kiräkle tawışnı cıya almağan.

Parlament spikerı Nabih Berri yaña lbaşın saylaw öçen kiläse utırışnıñ 15 nçe dekabr’dä bulaçağın beldergän.