30 yıldan soñ kümer çığara başlıylar

Angliyä xökümäte 30 yıldan soñ täwge tapqır ildäge ber kümer şaxtasına liśenziyä birüen belderde. Üseş häm sośial’ toraq ministrı Maykl Gouv tön’yaq-könçığıştağı Kambriyä töbägendäge ber şaxta proyektına röxsät birgän.  

“Bu kümer, ägär ildä çığarılmasa, çittän satıp alınaçaq qorıçnı citeşterü mäydanında qullanılaçaq. Êlektr ênergiyäse citeşterü öçen tügel,”-diyelä xökümättän yasalğan belderüdä.

Angliyä matbuğatında 165 million funt sterling investiśiyä belän şaxtadan yıl sayın 2,8 million tonna kümer çığaru kötelüe äytelä.  

Şul uq waqıtta êkspertlar, şaxta qullanılışqa kergännän soñ, yılına 400 meñ tonna parnik gazı çığaruğa kiteräçägen belderä.

Grinpistan yasalğan belderüdä Angliyäneñ klimat anlayışı mäs’äläsendä lider bulaçaq urınğa “klimat ikeyözlelege mäs’äläsendä super köç bulunı saylawı” tänqıyt’länä.

Angliyä xökümäte monnan alda 2050nçe yıldan atmosferağa ağulı gazlar çığarunı nol’ däräcäsenä töşerergä maqsat itep quyuların beldergän ide.