Mediŝina qaldıqları Franŝiyağa cibärelde

Livan 3 yıl buyı cıyılğan 15 tonnalık mediŝina qaldıqların Franŝiyağa cibärde.

Qaldıqlar Franŝiyada yuqqa çığarılaçaq.

İldäge xastaxanälärdä ayıruça yaman şeş xastaların däwalawda qullanılğan häm 2019dan birle cıyılğan mediŝina qaldıqları Beyrut portında maxsus konteynerlarğa töyälep, Franŝiyağa cibärelde.

Livannıñ Tirä-yaq moxitnı saqlaw ministrı Nasır Yasin biredä açıqlaw yasap tübändägeçä citkerde: “3 konteyderdan toruçı 15 tonnalık qurqınıç tudıruçı mediŝina qaldıqları berençe tapqır êkologik fäläkätkä kitermiçä yuq itelüe öçen Awrupağa cibärelä.”

Ministr Yasin ilendä älegä mediŝina qaldıqların yuqqa çığaraçaq sistemanıñ bulmawın, monıñ öçen 1400 däräcägä qadär cılınuçı miçlärneñ buluı zarurlığın citkerde.

Ministr beldergänçä qaldıqlar yuqqa çığarılmağan oçraqta watandaşlar sälamätlegenä citdi zıyan kiterep, tirä-yaqnı pıçrata ala.