Äfğanstanda bombalı höcüm

Äfğanstannıñ tön’yağındağı Belh vilayäteneñ üzäk rayonı Mezar-ı Şeriftä däwlät xezmätkärläre utırğan avtobuska oyıştırılğan bombalı höcümdä 7 keşeneñ ğomere özelde.

Milli matbuğatta urın alğan xäbärlärgä kürä irtänge sägät’lärdä Üzbäkstanğa açılğan Hayratan çik buyı qapqasında êşläwçelär utırğan avtobuska bombalı höcüm oyıştırıldı.

Belh İminlek mödirlege süzçese Möxämmäd Asıf Veziri açıqlaw yasap, Seyidabad yul çatırında oyıştırılğan höcümdä 7 keşeneñ yaqtı dön’yadan kitüen, 6 keşeneñ dä yaralanuın citkerde.

Bombanıñ yul çitendäge satuçılar maşinasına urnaştırıluı bilgelände.

Waqıyğa urınına aşığıç yärdäm törkemnäre cibärelde, höcümneñ cawaplılığın älegä üz östenä aluçı bulmadı.