20dän artıq keşe tufraq astında

Kolumbiyädä avtomobil’ yulında cir şuışı säbäple, berençel mäğ’lümatlarğa qarağanda, 3 keşe ülde, 20dän artığı tufraq astında qaldı. Waqıyğa Risaral’da administrativ rayonındağı Kali-Kondoto yulında bula.

Faciğada avtobus häm başqa bik küp texniqa kümelep qala. Älegä qadär 3 keşenen ülüe bilgele. Tufraq astında qaluçılarnı êzlilär. Cirlekkä qotqaruçılar, yanğın sünderüçelär, poliśiya häm aşığıç yärdäm kilde.

Risaral’da gubernatorı matbuğatqa beldergänçä, xäzergä qadär 9 keşene tufraq astınnan isän kileş çığarğannar. Êzläw-qotqaru êşläre bertuqtawsız däwam itä.  

İlbaşı Gustavo Petro sośial’ media akkauntında waqıyğa öçen ärnüen belderep bolay dip yazdı: “Ubılma astında qaluçılarnı qotqaru öçen barlıq tırışlıq quyıla. 9 keşe qotqarıldı, 3 keşe ülde häm 20dän artıq keşene çığaru öçen êşçänlek bara. Bu faciğa”.

İldä aylar buyı däwam itüçe köçle yawım-töşemnär kiterep çığarğan su basu häm cir ubılularda şaqtıy keşeneñ ğomere özelde.