Ğıys'yançılar çigenä

Êfiopiyädä xökümätkä qarşı baş kütärgän Tigray xalıq azatlığı frontı, tözelgän kileşü näticäsendä, awır qoralların taşlap çigenä başladı.

İl matbuğatındağı xäbärlärgä qarağanda, suğışçılar inde şaqtıy töbäktän çıqqan.

Tigray xalıq azatlığı frontınıñ 17nçe noyabr’gä planlaştırılğan qoral taşlaw adımı bügengä kiçekterelgän ide.

Addis-Abeba xökümäte belän ğıys’yançılar arasında Kön’yaq Afrikada alıp barılğan söyläşülärdän soñ kiçä utnı tuqtatu turında kileştelär. Êfiopiyä armiyäse belän Tigray xalıq azatlığı frontı arasındağı bäreleşlär 2020nçe yılnıñ noyabrendä başlanğan ide. Ul meñnärçä keşeneñ ülemenä häm yözlägän meñeneñ öylären taşlap kitüenä säbäpçe buldı.