"Rusiya bu suğışta ciñärgä tiyeş tügel"
Bu xaqta NATO ğomum särqätibe Yens Stoltenberg belderde
1913707
NATO ğomum särqätibe Yens Stoltenberg Germaniya kanślerı Olaf Şol’ś belän Berlinda küreşkännän soñ urtaq matbuğat oçraşuı ütkärde.
Ul biredä yasağan çığışında tağın ber tapqır Rusiyäneñ Ukrainağa qarşı suğışınıñ xalıqara xoquqqa qarşı buluın äytte.
“Suğış arqasında qış awır uza. Rusiya bu suğışta ciñärgä tiyeş tügel. Bez Putinğa NATOnı suğışqa kertergä röxsät itmäyäçäkbez”,- dide Stoltenbeg.
Germaniya kanślerı Olaf Şol’ś Ukrainağa NATOdağı berlektäşläre belän kiräkle bulğança yärdäm kürsätüne däwam itäçäklären belderde.
“Rusiya bu suğışta ciñärgä tiyeş tügel” dip äytüçe Şol’ś NATOnıñ suğışta qatnaşırğa tiyeş tügellegen häm bu räweşle dön’ya külämendä kiyerenkelek kilep çıqmayaçağın citkerde.
