Djeyms Uêbb teleskobı êkzoplanetanıñ atmosferasın töşerde

NASAnıñ Djeyms Uêbb ğaläm teleskobı ber êkzoplanetanıñ atmosferasın centekläp töşerde. Agentlıqnıñ internet säxifäsendä urın alğan xäbärgä qarağanda, älege planeta Cirdän 700 yaqtılıq yılı yıraqlığında.

Teleskop terkägän küreneşlär yärdäme belän “WASP-39b” dip ataluçı êkzoplanetanıñ atmosfera tözeleşe profil’längän häm kükert gazın da kertep bik küp sanda komponent açıqlanğan.  

Şulay itep, NASA ber êkzoplanetanıñ moña qadär kürelmägän xäle belän urtaqlaştı.

26nçı avgustta Qoyaş sisteması tışındağı "WASP-39b"nıñ atmosferasında berençe tapqır uglekislotalı gaz barlığı açıqlandı. Älege êkzoplaneta Saturnnıqına yaqın massağa iyä, ä zurlığı - Yupiternıñ öçtän bere qadär.

NASA dön’yadağı iñ zur häm iñ kamil ğaläm teleskobı Djeyms Uêbbnı 2021nçe yılnıñ 25nçe dekabrendä ğalämğä oçırdı. Ul agentlıqnıñ Awrupa häm Kanada ğaläm oyışmaları belän bergäläp başqarğan êşçänlegeneñ cimeşe.

Uêbbnı moña qadär yasalğan zur häm köçle, tik 31 yıllıq häm êşçänlek ğomereneñ axırına yaqınlaşuçı Xabbl teleskobınıñ varisı bularaq kürälär.