Ukrainadan Keniyağa boday yärdäme

Keniya prezidentı yärdämçese matbuğatka açıqlaw yasap, Ukrainadan cibärelgän 25 meñ tonna bodaynı qabul itep aluların belderde.

İlendäge qorılıq täêsireneñ däwam itüen äytkän Keniya liderı qabul itep alınğan bodaynıñ azıq-tölek probleması küzätelgän töbäklärgä taratılaçağın citkerde.

“Bezneñ çığanaqlarıbız klimat üzgäreşe täêsirläre belän köräşü öçen citärle tügel. Bu mäs’älädä yärdäm taläp itäbez,” – dide ul.

Berläşkän Millätlär Oyışmasına kürä Keniyada kimendä 4,35 million keşe azıq-tölek probleması belän oçraştı, yaqınça 5 million keşe isä çista suğa ireşä almıy.

Könçığış Afrikada Keniya belän ber rättän Somali häm Êfiopiya qorılıqtan iñ küp zıyan kürgän illär arasında tora.