Zelenskiy: "Rusiyäne terrorçı däwlät dip tanığız"

Ukraina däwlät başlığı Volodimir Zelenskiy Rusiyäneñ “terror däwläte” dip iğ’lan itelüen teläde. Ul İspaniyä başqalası Madridta uzğan NATO parlament assambleyasınıñ 68nçe ğomum şurasında videokonferenśiyä yulı belän qatnaştı. Zelenskiy NATO-PA äğ’zalarına möräcäğat’ itep bolay dide: “Millionnarça keşebezneñ ğomerenä turıdan-turı yanawçı Rusiyä qışın cılınu, êlektr häm su ixtiyacların özügä kiterüçe asqormalarğa höcüm oyıştıra. Parlamentlarığızda Rusiyäne terrorçı däwlät dip tanuığız döres bulır ide”.

Zelenskiy Ukrainadağı atom-töş ob’yektlarına teläsä-qaysı höcümneñ böten illärgä täêsir itäçägen, monı buldırmıy qalunıñ härkemneñ mänfäğatenä ikänen assızıqlıy. “Baqlıq däwlätlärneñ asqorma ob’yektların Rusiyä raketası häm sabotajınnan saqlaw garantiyäse kiräk,”-di ul.

Ukraina liderı ilenä citärlek külämdä oçqıçlarğa qarşı häm raketa saqlanu sisteması yärdäme yasaluın soradı.