Ğazzädäge yanğında 21 keşe ülde

Ğazzäneñ tön’yağındağı Cabaliya möhacirlär lagerında çıqqan yanğında küp keşeneñ ğomere özelde.  

Fälästin grajdanlı saqlanu idaräsennän yasalğan belderügä qarağanda, yanğan binada 21 keşeneñ üle gäwdäsen tapqannar. Aralarında balalar häm xatın-qızlar da bar. Waqıyğada yaralanuçılar turında mäğ’lümat birelmäde.

Yanğınnıñ kontrol’ astına alınuı häm başqa binalarğa küçmäwe äytelde.

Berençel mäğ’lümatlarğa qarağanda, yanğınğa bina êçendä saqlanuçı benzin säbäpçe bula. Waqıyğanı tikşerü älegä däwam itä.

Fälästin däwlät başlığı Mäxmüt Abbas yanğın faciğasınnan soñ comğa könne ildä milli matäm iğ’lan itte.

Türkiyä möhacir lagerında çıqqan yanğında ğomere özelüçelär öçen qayğınamä yulladı. Tışqı êşlär ministrlığınnan yasalğan belderüdä bolay diyelä. “Ğazzädä Cabaliya möhacir lagerındağı ber binada 17 noyabr’ tönne çıqqan yanğın näticäsendä küp keşeneñ, şul isäptän balalarnıñ da, hälaq buluı häm yaralanuına borçıldıq. Ğomere özelüçelärgä Allahtan yarlıqaw sorıybız, ğailäläre, qardäş Fälästin xalqı häm däwläteneñ qayğısın urtaqlaşabız, yaralanuçılarğa şifa telibez”.