Pol’şağa kilep töşkän raketa

Morawiecki kiçä qatnaşqan televideniye tapşıruında raketa häm ballistik belgeçläreneñ raketa belän bäyle analizlarınıñ däwam itüen belderde.

Morawiecki: "Watandaşlarıbıznıñ üleme barı tik Ukrainağa höcüm itü belän genä çiklänmiçä, ber ük waqıtta bu ilne zur raketa häm keşesez hawa apparatları belän terrorlaştırğan Rusiyäneñ gäyıbe”, - dide.

Pol’şa Baş ministrı: “Amerika Quşma Ştatlarınnan modern qorallarnı satıp alabız. Pol’şa señderelmäs”, - dip äytte.

Awrupa Berlege tışqı mönäsäbätlär yuğarı wäkile häm Awrupa komissiyası başlığı urınbasarı Josep Borrel’ dä Pol’şa cirlärenä kilep töşkän raketa belän bäyle bularaq yasağan yazmaça belderüendä: “Şuşı faciğale waqıyğa Rusiyä tarafınnan Ukraina şähärlärenä tınıç xalıqnı häm grajdan asqormanı nişan itep alğan başqa ber raketa höcümeneñ näticäse. Bu höcümnär xalıqara xoquqnı awır räweştä bozu oçraqları”, - dip äytte.

Rusiyä Tışqı êşlär ministrlığı isä Pol’şanıñ Ukraina çigendä urnaşqan Przewodow awılına raketanıñ kilep töşüe belän bäyle bularaq "provokaśiya yasamasqa” çaqırdı.

Rusiyä Tışqı êşlär ministrlığı süzçese Mariya Zaxarova yasağan yazmaça belderüendä Pol’şanıñ Mäskäw ilçelegeneñ wäqalätle wäkile Jacek Sladewskineñ ministrlıqqa çaqırıluın citkerde.

Zaxarova: "Diplomatqa Pol’şanıñ şuşı waqıyğa tiräsendä Rusiyägä qarşı isteriyanı kübäytüneñ qabul itelmäslek buluı belderelde”, - dip äytte.

Pol’şanıñ Ukraina çigendä urnaşqan Przewodow awılına 15nçe noyabr’dä çığanağı bilgele bulmağan raketanıñ kilep töşüe häm 2 keşeneñ ğomereneñ özelüe belderelgän ide.

Pol’şa Baş ministrı Mateusz Morawiecki: "Rusiyä höcümnärenä cawap birgän Ukraina köçläre üzlären saqlaw öçen raketa attı. Bu raketalardan berse yalğış Pol’şa cirlärenä kilep töşte”, - dip iskärtep uzğan ide.