Kuleba ASEANnan yärdäm soradı

Ukraina tışqı êşlär ministrı Dmitro Kuleba Kön’yaq-Könçığış Aziyä däwlätläre berlegen (ASEAN) aşlıq koridorına yärdäm itärgä çaqırdı. Ul Kambodja başqalası Pnompen’da uzuçı ASEAN sammitında oyışmanıñ ğomum särqatibe Dato Lim Djok Xoy belän oçraştı.

Ukraina tışqı êşlär ministrlığınnan belderülärençä, Kuleba söyläşüdä aşlıq koridorınıñ global’ azıq-tölek iminlege öçen ähämiyäten assızıqlıy häm ASEANnıñ Rusiyäne Qara diñgez aşlıq kileşüen däwam itügä êtärüen sorıy.  

Global’ azıq-tölek krizisın çişü öçen Türkiyä koordinaśiyäsendä alıp barıluçı aşlıq taşu kileşüe 22nçe iyül’dä İstanbulda ilbaşı Räcäp Tayyip Ärdoğannıñ ximayäsendä Ukraina, Rusiyä, Türkiyä häm BMO arasında imzalandı.