Putin G-20 sammitında qatnaşmayaçaq
Rusiya wäkillegen tışqı êşlär ministrı Sergey Lavrov citäkläyäçäk
Rusiya Federaśiyäse däwlät başlığı Vladimir Putin kiläse atnada İndoneziyäneñ Bali şähärendä uzaçaq G-20 sammitında qatnaşmayaçaq.
G-20 sammitı wäqalätlelärennän Luxut Binsar Pandjaytan jurnalistlarğa birgän interv’yısında yuğarı däräcäle oçraşuda Rusiya wäkillegen tışqı êşlär ministrı Sergey Lavrov citäkläyäçägen äytte.
AQŞ, Qıtay häm başqa dön’ya liderları 15 nçe noyabr’dä Balida başlanaçaq 2 könlek sammitta qatnaşaçaq.
Rusiyäneñ 24 nçe fevral’dä Ukrainağa qarşı suğış başlatuınnan soñ Bayden belän Putinnıñ G-20 sammitı uñayınnan berençe tapqır oçraşuı kötelä ide, läkin Putinnıñ anda qatnaşmawı bilgele bulğannan soñ Bayden häm berlektäşläre belän Putin arasındağı kiyerenkelek ixtimalı da yuqqa çıqtı.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar
