AQŞta 1,9 milliard dollarnı kem otaçaq?

Amerika Quşma Ştatlarınıñ tanılğan lotoreyası “Powerball”da tarixtağı iñ zur djekpot bilgelände. 3 ay buyı andağı 6 sannı belä almadılar häm şuña kürä summa üste dä üste. Xäzerge waqıtta ul 1,9 milliard dollarğa citte. Dön’yada moña qadär ber genä loto uyınında da djekpotqa bu zurlıqtağı summa quyılmadı.

Rekord otış öçen AQŞnıñ 45 ştatı, monnan tış Porto-Riko häm Virdjiniyä utrawlarında uynatıluçı lotoreyadağı 6 sannıñ barısın da belergä kiräk. Tik monıñ ixtimalı 292,2 millionğa ber.

“Powerball”da 3nçe avgustta otılğan iñ sonğı djekpot 200 million dollar ide häm ul Pensil’vaniyägä çıqtı.

Älege lotoda otuçılar aqçaların ber’yulı yäisä 29 yılğa bülep alırğa mömkin. Djekpottan federal’ häm cirle salım alına.