Bolgariyadan Ukrainağa qoral yärdäme

240 äğzale Parlamenttağı tawışqa quyu 49 tawışqa qarşı 155 tawış belän qabul itelde, ber xalıq ışanıçlısı isä bitaraf qaldı.

Qarar buyınçä Bolgariya xökümäte ber ay êçendä Parlamentka Ukrainağa xärbi häm texnik yärdäm kürsätüne küzdä totuçı ölge cibäräçäk.

Rusiyä tarafdarı bulğan êlekke kommunist partiya totışı belän säyäsät alıp baruçı Bolgariya Soŝialist Partiyaseneñ 25 keşelek häm Ukrainadağı suğışta Rusiyä tarafında bulğan populist Qabat tuu partiyaseneñ 27 keşelek törkemnäre tawışqa quyuda qatnaşmadı.

İkw partiya xalıq ışanıçlıları tawışqa quyu waqıtında zalda “Qorallar taşlansın!” häm “Tınıçlıq” dip yazılğan plakatlar kütärde.