Parijda ênergiyäne saqçıl totu çaraları ğamälgä kerä

Bügennän başlap Franśiya başqalası Parijda ofislar häm kibetlärda êş waqıtı betkäç ut sünäçäk.

Parij şähär xakimiyäte ênergiyäne saqçıl totu qısalarında şundıy qarar qabul itkän.  

Qarar şulay uq älege êş urınnarınıñ vitrinalarındağı sanlı êkrannarnı häm utlarnı sünderüne dä üz êçenä ala.

Franśiyäneñ cirle häm regional’ radiostanśiyälär çeltäre France Bleu qararnı ütämägän êş urınnarına 750 – 1500 yevro ştraf salınaçağın citkergän.

Monnan tış şähär xakimiyäte cawaplılığı astında bulğan yaqtırtılğan iğ’lan (reklama) taqtaları da 1 nçe dekabr’dän başlap cirle waqıt belän 23 säğät’ 45 minuttan irtänge 6.00 säğät’kä qadär sündereläçäk.