Şveśiya baş ministrı Finlyandiyada
Şveśiya Baş ministrı Ulf Kristersson ileneñ Türkiyä belän imzalanğan kileşügä tulısınça bäyle buluın äytte
Şveśiyanıñ yaña Baş ministrı Ulf Kristersson berençe çit il säfären Finlyandiyağa yasadı.
Baş ministr başqala Xel’sinkidä Finlyandiyalı wazıyfadaşı Sanna Marin belän oçraştı.
Söyläşü waqıtında ike il arasındağı mönäsäbätlär, Şveśiya häm Finlyandiyanıñ NATO äğ’zalek barışı häm Ukrainadağı suğış quzğatıldı.
İke lider söyläşüdän soñ urtaq matbuğat oçraşuın oyıştırdı.
Şveśiya Baş ministrı Kristersson ileneñ NATO äğ’zalegeneñ raslanuı mäs’äläsendä 28nçe iyün’dä Türkiyä belän İspaniya başqalası Madridta qul quyılğan öç yaqlı kileşüneñ şartların ütäwdä qatğıy buluın citkerde.
Kristersson: “Şveśiyanıñ üz burıçın ütäwe öçen bik nıq tırışabız häm ireşkännärebezneñ täfsille xisabın da biräçäkbez. Şveśiya Türkiyä belän imzalanğan kileşügä tulısınça bäyle. Terrorçılıq belän köräş legitim”, - dip äytte.
Finlyandiya Baş ministrı Marin isä: “NATOğa möräcäğät itüebezneñ Tön’yaq Awrupanıñ iminlege öçen ni çaqlı möhim buluın iskärtep uzarğa telim. NATOnı köçäytäçäkbez”, - dip belderde.
