Qorallı höcüm cawaplılığın DEAŞ aldı
İrannıñ Şiraz şähärendä oyıştırılğan höcümdä 15 keşe ülde
1898250
İrannıñ Fars vilayätenä bäyle Şiraz şähärendä kim digändä 15 keşeneñ ğomere özelgän qorallı höcümneñ cawaplılığın DEAŞ terror oyışması üz östenä aldı.
DEAŞnıñ açıqlawı oyışmanıñ güyä xäbär agentlığı tarafınnan urtaqlaşıldı.
Açıqlawğa kürä Şirazdağı Şah Çerağ törbäsendäge höcüm DEAŞ terrorçıları tarafınnan oyıştırıldı.
İrannıñ räsmi agentlığı IRNA Fars vilayäteneñ Şiraz şähärendä qorallı höcümneñ oyıştırıluın citkergän ide.
Fars gubernatorı yärdämçese İsmail Muhibipur “Şah Çerağ” törbäsenä qarağan höcümdä kim digändä 15 keşeneñ ülüen, 27 keşeneñ yaralanuın açıqlağan ide.
