Yaña Zelandiyädä xatın-qız deputatlar ir-atlardan arttı

Yaña Zelandiyä tarixında täwge tapqır parlamentta xatın-qız deputatlarnıñ sanı artıp kitte. Bu wäzğıyät’, êlekkege parlament spikerı Trevor Mallard İrlandiyä ilçese bularaq bilgelängännän soñ, anıñ urınına Leyboristlar partiyäsennän Soraya Peke-Meyson quyılğaç kilep tudı. Qanun çığaru organındağı sonğı üzgäreşlärdän soñ xatın-qız deputat sanı - 60, ir-atlar 59 buldı.

Peke-Meyson matbuğatqa interv’yusında bolay di: “Bu könneñ minem öçen ayırım ähämiyätkä iyä buluı tışında, Yaña Zelandiyä öçen dä tarixi buluın uylıym”.  

Xalıqara mäğ’lümatlarğa qarağanda, Yaña Zelandiyä bıyıl parlamentta kimendä 50% xatın-qızlar wäkillek itüçe 6 däwlät arasına kerä. Älege däräcägä ireşkän başqa illär - Kuba, Meksika, Nikaragua, Ruanda häm Berläşkän Ğaräp Ämirlekläre.  

Dön’ya külämendä isä deputatlarnıñ yaqınça 26%ı xatın-qızlar.