Sunak belän Bayden söyläşte
Angliyanıñ yaña Baş ministrı Rişi Sunak belän Amerika Quşma Ştatları İlbaşı Djo Bayden ike yaqlı mönäsäbätlärne, Tön’yaq İrlandiya mäs’äläsen häm Rusiyä-Ukraina suğışın söyläşte
Ministrlar Kabinetı süzçese yasağan belderüdä söyläşü waqıtında Baydennıñ Sunaknı yaña wazıyfası belän täbrik itüe häm ike lidernıñ tığız xezmättäşlek itüne tüzemsezlek belän kötüe turında äytelde.
Baydennıñ Angliyanıñ Amerika Quşma Ştatlarınıñ iñ yaqın berlektäşe bulırğa däwam itüen äytüe citkerelgän belderüdä Sunaknıñ da ike il arasındağı mönäsäbätneñ ğayät zur köçe mäs’äläsendä urtaq fikerdä buluların telgä aluına basım yasaldı.
Belderüdä: "Liderlar häm ike yaqlı däräcädä häm dä (Awstraliya, AQŞ häm Angliya arasındağı) AUKUS kileşüeneñ totrıqlılıqnı arttıru häm Qıtaynıñ naçar niyätle yoğıntısına qarşı toru tırışularınıñ ber öleşen täşkil itkän Hind-Tın okeanı kebek töbäklärdä Angliya-AQŞ xezmättäşlegeneñ masştabın qarap çıqtı”, - dip äytelde.
Söyläşü waqıtında Angliya belän Amerika Quşma Ştatlarınıñ Ukraina xalqın yaqlawdağı häm Rusiyä İlbaşı Vladimir Putinnıñ suğışta uñışsız buluın täêmin itüdäge äydäp baruçı rollären telgä aluları citkerelgän belderüdä:
"Baş ministr Sunak häm İlbaşı Bayden, “Belfast” (Xäyırle comğa) kileşüen saqlap, Tön’yaq İrlandiya xalqınıñ iminlekkä häm mullıqqa iyä buluın täêmin itü ixtıyacı mäs’äläsendä dä kileşte”, - dip iskärtelep uzıldı.
