Su basuda ülüçelärneñ ğailälärenä - kompensaŝiya

Paqıstanda xökümät su basu afätendä ğomere özelgän yäisä yaralanğannarnıñ ğailälärenä kompensaŝiya tülänäçägen citkerde.

Prem’yer-ministr Şahbaz Şerif başqala İslamabadta açıqlaw yasap, xökümätneñ su basuda ülüçelärneñ ğailälärenä 4522şär dollarlık kompensaŝiya tülänäçägen açıqladı.

Şerif su basuda zıyan kürüçelärgä isä 316 million dollar taratılaçağın, yaralanuçılarnıñ ğailälärenä dä kompensaŝiyaneñ tülänäçägen äytte.

Qışnıñ yaqınayuına işarät itkän Şerif Qıtay xökümäteneñ qış öçen çatırlar cibäräçägen äytte.

Paqıstanda cäy buyı yawğan yañğırlar kiterep çığarğan su basularda 1725 keşe yaqtı dön’yadan kitte. Alardan 643e – balalar, 348e – xatın-qızlar.

Afättä 2 million 200 meñ öy, 13 meñ çaqrımlıq yul zıyan kürde, 435 küper cimerelde, 1 million 100 meñ ferma xayvanı ülde.