Ukrainalı 108 äsir xatın-qız irekkä çıqtı
Suğışta äsirlekkä töşkän Ukraina xatın-qızların almaşu yulı belän irekkä cibärdelär
![Ukrainalı 108 äsir xatın-qız irekkä çıqtı](http://cdn.trt.net.tr/images/xlarge/rectangle/67d1/4a9c/2997/634e46d8a5f01.jpg?time=1718856306)
Ukraina däwlät başlığı apparatı başlığı Andrey Yermak Rusiyä belän äsir almaşuda 108 ukrain xatın-qızı irekkä çığarıluın belderde. Alarnıñ kübese ğaskäri.
Yermak sośial’ media akkauntında bolay dip yazdı: “Bügen zur külämle tağın ber äsir almaşu buldı. Bik êmośional’ häm, çınnan da, üzençälekle ide. 108 xatın-qıznı äsirlektän qotqardıq”. İrekkä çığuçılarnıñ 37se Azovstal’ êşxanäsendä suğuşıçılar, 12se - sivil.
Yermak äsir almaşuğa öleş kertüçelärgä räxmät äytte.
Rusiyä saqlanu ministrlığınnan yasalğan belderügä qarağanda, Ukraina belän äsir almaşu qısalarında, 72 diñgezçene dä kertep 110 rus watandaşı irekkä çığarılğan. Alar ministrlıqnıñ oçqıçları belän başqala Mäskäwgä kitä. Alarğa kiräkle mediśina häm psixologik yärdäm täêmin itelgän.
Rusiyä häm Ukraina arasında 11nçe oktyabr’dä bulğan äsir almaşuda 32 ukrainalı xärbi irekkä çığarıldı, suğışta ğomere özelgän 62 keşeneñ mäyete Kiyev idaräsenä tapşırıldı.