Su basudan ğomeren yuğaltqan keşelär sanı 603kä citkän

Nigeriyädä su basudan 600 dän artıq keşeneñ ğomere özelgän, 82 meñnän artıq yort tulısınça cimerelgän.

Bu xaqta Nigeriyäneñ gumanitar êşlär ministrı Sadiya Ömär Faruk belderä.

“Qızğanıç, su basuda ğomeren yuğaltuçılar sanı 16 nçı oktyabr’gä 603 kä citte” dide ul.

Ministr bilgeläp uzğança, su basu fäläkäte arqasında 1 million 300 meñ keşe öylären taşlap kitärgä mäcbür bulğan, 82 meñnän artıq yort tulısınça cimerelgän, 110 meñ gektar igen qırı qullana almaslıq xälgä kilgän.

İldä 2012 nçe yılda su basudan 363 keşe yaqtı dön’yadan kitkän bulğan.