Papa: "BMOnıñ bäreleşlärgä êffektiv çişeleş tabuı kiräk”

İtaliyanıñ “La Stampa” gazetı Papanıñ näşer iteläçäk "Sezgä Täñre isemennän soraw biräm: ömetle kiläçäk öçen 10 doğa" isemle yaña kitabınnan qayber büleklären bastırdı.

Global’ külämdä tınıçlıq häm qurqınıçsızlıq turında süz barğan çaqta iñ berençe çiratta uylawları zarur oyışmanıñ Berläşkän Millätlär Oyışması häm bigräk tä BMO İminlek şurası buluın belderüçe Papa: "Ukraina suğışı tağın ber qat anıq räweştä xäzerge küp yaqlı qorılışnıñ bäreleşlärgä tağın da citez häm êffektiv çişeleşlär tabuınıñ kiräkle buluın kürsätte”, - dip äytte.

Papa Franśisk suğış waqıtında tağın da kübräk küp’yaqlılıqqa ixtıyac buluın iskärtep uzdı.

BMOnıñ keşelek dönyasınıñ 20nçe ğasır başında yäşägän ike zur suğış dähşäteneñ qabatlanmawına qağılışlı kileşü uñayınnan tözelüenä iğ’tibarnı yünältüçe Papa: "Bügenge dönya monnan arı êlekkege kebek tügel. Şuña kürä bu oyışmalarnı bulğan çınbarlıqqa mömkin bulğan iñ kiñ kileşü belän iñ näticäle cawapnı biräçäk itep yañadan uylarğa kiräk”, - dip añlatma yasadı.

"“Kovid-19” kizüennän soñğı däwer xäzerge küp’yaqlılıq sistemasınıñ böten çiklären bilgele itte häm bu da bu reformalarnıñ ni çaqlı kiräkle buluın kürsätte”, - dip äytüçe Papa vakśinalarnı taratu barışınıñ monıñ iñ açıq ürnäklärennän berse buluın iskärtep uzdı.

Katoliklärneñ ruxani liderı xalıqara oyışmalarnıñ töp maqsatlarınıñ “keşelek ğailäsenä xezmät itü” buluın xäterlätte.