Ugandanıñ qayber töbäklärendä komendant säğate iğ’lan itelgän

Uganda ilbaşı Yoveri Museveni êbola virusı küzätelgän qayber töbäklärdä komendant säğate iğ’lan itelüen belderde.

Ul televideniye aşa xalıqqa möräcäğätendä êbola virusına qarşı çaralarnıñ köçäytelüen äytte.

Däwlät başlığı äytüençä, Mubende häm Kasanda töbäklärenä kerep çığu tıyılğan, bu töbäklärdä cirle waqıt belän 19.00 säğat’tän 06.00 säğat’kä qadär komendant säğate kertelgän.

İldä 19 nçı sentyabr’dä   24 yäş’lek ber keşedä  siräk oçrıy torğan Sudan variantı buluı belderelgän êbola virusı tabılğan ide.  

Ugandada xäzergä qadär êbola kizüe arqasında ülüçelär sanı 19ğa citkän.