Angliyädä xastaxanägä çirat kötüçelärneñ sanı rekord däräcädä

Angliyädä xastaxanälärdä däwalänu öçen çirat kötüçelärneñ sanı 7 millionğa citep rekord yasadı. İlneñ milli sälamätlek saqlaw sisteması bıyılnıñ iyül’ axırında älege sannı 6,8 million bularaq beldergän ide. Avgust axırına isä ul yaqınça 3%qa artıp 7 millionğa citte.

Şunı da äytergä kiräk, 2 meñ 646 keşe xastaxanädä standart däwalanunı başlaw öçen inde 2 yıldan artıq kötä.  

Angliyä milli sälamätlek saqlaw sisteması awırularnıñ aşığıç yärdäm kötü waqıtın da citkerde. Annan kürengänçä, tormışlarına yanawçı çire yäisä yarası buluçı keşelärdän kilgän çaqırular urtaça 9 minut 19 sekund kötterelä. Mondıy oçraqlar öçen, ğadättä, 7 minut birelä.

Sentyabr’ ayında aşığıç yärdämdä qabul itüne 12 säğat’tän artıq kötüçelärneñ sanı 32 meñ 776 bulğan.