Qabat äsirlär belän almaştılar
Ukrainalı 32 xärbi irekkä cibärelde
1891637
Ukraina Saqlanu ministrlığı Rusiyä tarafı belän başqarılğan äsirlär belän almaşu näticäsendä Ukrainalı 32 xärbineñ irekkä cibärelüen citkerde.
Ministrlıktan yasalğan yazma açıqlawda bolay diyelä: “Beznekelär öygä qayttı. Tağın ber almaşu çınğa aştı.”
Ukraina İlbaşı idaräse ofisı başlığı Andrey Yermak ta Tvitterda yasağan açıqlawında äsirlär belän almaşu xaqında mäğlümat birep, Ukraina 32 xärbine ilgä kiterülären belderde.
İrekkä çığuçılar arasında yuğalğan qayber ğaskärilärneñ dä buluın citkergän Yermak: “Köçle bäreleşlär bulğan urınnarda ide alar. Bu keşelärneñ kübese yuğalğan bularaq qabul itelde. Keşelärne kire kiteräbez,” – dide.
Almaşu qısalarında suğışta ğomere özelgän 62 keşeneñ mäyete dä Rusiyä tarafınnan Ukrainağa tapşırıldı.